| Hmong Language |  | Nyob zoo thiab zoo siab ua koj tseem los txog hauv Hoob kawm ntawv Hmoob thib ib no thiab. Nyob rau hauv nov, kuv yuav qhia koj txog tej yam ua peb yuav kawm los yog twb kawm tag los lawm. Txij xyoo no mus, peb ob hoob kawm ntawv hmoob yog kawm ib xyoo ntuj zeej lawm. Tsis zoo li yav tas los es kawm ib tog xyoo xwb.
Nyob rau hoob HMOOB IB peb kawm li nram no:
COV IB TUG TXIV NTAWV (SINGLE CONSONANTS):
C-cuam, D-dev, f-Fwj, H-haus dej, K-lub kaus, L-tus luav, M-tus miv
N-tus noog, P-lub paj, Q-tus qav, R-tus roob ris, S-tsob suab, T-lub taub,
V-lub viav vias, X-tus xib xub, Y-tus yaj yuam, thiab Z-lub zaub
COV OB TUG TXIV NTAWV (DOUBLE CONSONANTS)
ch-cho, dh-dhia, dl-dla dlej, ml-mlom, nk-nkoj, np-npua, nq-nqaij,
nr-nruas, nt-ntaiv, ny-nyuj, hl-hli, hm-hma, hn-hnub, kh-khau,
nc-ncas, ph-phaj, pl-plas, qh-qhov rooj, rh-rho nroj, th-thoob,
ts-tsov, tx-txiab, xy-xyoob
COV PEB TUG THIAB PLAUB TUG TXIV NTAWV (TRIPLE AND QUADRUPLE CONSONANTS)
nts-ntsaum, ntx-ntxuam, dlh-dlha hlua, npl-nplooj, hml-hmlos,
nch-ncho pa, nkh-nkhaus, nph-nphoo ntsev, nqh-nqhis dej, nrh-nrhoob,
nth-nthuav, hny-hnyav, tsh-tsho, txh-pob txha, plh-plhaub qe
nplh-nplhaib, ntsh-ntshai, ntxh-ntxhw
COV NIAM NTAWV (VOWELS):
a-ab, e-ev, i-ib, o-os, u-ub, w-wb, ai-nqaij qaib, ia-dhia, au-zaum
ua-puag, aw-sawv daws, oo-coob, ee-nees
COV CIM (TONE MARKERS):
b - cim siab, m - cim niam, j - cim ntuj, v - cim kuv, --- - cim ua,
s - cim mus, g - cim neeg, d - cim tod...
Peb kuj kawm sau me ntsis lus Hmoob ua ke thiab xyaum sau ntawv Hmoob ua ke nyob rau hauv hoob thiab. Peb xyau hais lus Hmoob ntau tshaj sau lus Hmoob nyob rau Hoob Hmoob Ib no. Thaum peb mus kawm nyob rau hauv hoob Hmoob ob ces peb xyaum sau ntawv, nyeem ntawv, thiab lwm yam ntxiv.
Yog koj muaj ib tug me nyuam los yog koj tseem tab tom kawm ntawv Hmoob, thov kawm cov ntawv saum toj no kom koj paub zoo zoo es thaum peb kawm nyob hauv hoob thiaj tsis nyuab nyuab rau koj.
Hais txog ntawm keeb kwm Hmoob, peb tsuas yog caij nyob hoom saib xwb. Peb tsis tau nqis los saib kiag tiag tiag vim peb tsis muaj ntaub ntawv sau cia txog peb Hmoob keeb kwm txuj ci.
Peb kawm txog:
Lub neej nyob suav teb, yog vim li cas peb thiaj khiav los rau nplog teb, Hmoob lub neej nyob rau nplog teb thiab cov tsov rog Hmoob tau ntaus thiab tua dhau los, Hmoob lub neej nyob rau hauv cov yeej thoj nam tawg rog: Vib Nais, Xias Qhas, Qhov Tsuas, thiab zos dej dawb tam sim no, thiab lub neej nyob rau teb chaws America no xwb.
|
|
| | | | |
